الشركة العامة للمواد الانشائية بتجهيزكم بكل المواد الانشائية
الشركة العامة للمواد الانشائية وهي شركة تابعة لوزارة التجارة
تتعهد بتجهيزكم بكل المواد الانشائية،يعني انت عندك قطعة ارض لا تحير ببنائها،فهذه الشركة تفتح يمها حساب واجهزك بكل المواد الانشائية وتبلش تبني كاعك والاهم بدون كفيل، كفيلك هي بطاقة كي كارت او ماستر الراتب
اذن كل العسكريين والموظفين والمشمولين براتب الرعاية والمتقاعدين عسكري ومدني والمعيل وكل شخص عنده بطاقة وفعالة
شلون الطريقة؟؟
انت تفتح حساب يم الشركة وتبدا بسحب المواد
هذه المواد شرط تكون من منشأ معروف
شكد قيمتها، من ١٠ الى ١٥ مليون، وتحسب لك وتبدا الشركة استقطاع مبلغ معين، من راتبك، يعني مو راتبك كله، وان ان شاء الله الاستقطاع مايجاوز ٢٠ بالمئة من راتبك،
السؤال المهم،هل بها فائدة؟؟
الجواب لحد ١٥ مليون مابها اي فائدة اما اذ سحبت اكثر من ١٥ مليون، تحسب عليها فائدة
لهذا انت لا تسحب مواد قيمتها اكثر من ١٥ مليون
هذه الخطوة ستخدمك، شلون؟؟
عندك كاع،وماتكدر تبنيها، عندك هيكل وكفتك فلوس،اتريد تبني طابق ثاني وتزوج ابنك وماعندك فلوس مايحتاج تداين تسحب مواد وتكمل مشروعك
المواد حديد تسليح وسيراميك ارضيات وجدران وكهربئيات وبواري مجاري وماء ومغاسل وابواب خشب وحديد وبعض المواد الاخرى
وبهدا بدل ماتدفع ايجار ٣٠٠ الف و٤٠٠ الف
هذا مبلغ ستدفعه للشركة وتكعد بيت وتلم جهالك بيه
ويارب يفرح كل فقير بدار يلم جهاله بيه تحت سكفه
وهنالك بعض التفاصيل سأننشرها لاحقا