تعالوا نعرف مع بعض مين هى الفنانة إيناس النجار؟
هى فنانة تونسية مولودة في مدينة صفاقس يوم 25 ديسمبر 1978، بدأت مشوارها الفني في بداية الألفينات، واسمها الحقيقي سهام النجار، لكن غيرت اسمها لما دخلت الوسط الفني. ظهورها الأول كان في فيديو كليب يا ترى يا حبيبي لبهاء سلطان، وده لفت انتباه المخرج محمد النجار اللي رشحها لأول أدوارها السينمائية في فيلم "ميدو مشاكل" سنة 2003 مع أحمد حلمي
بعد "ميدو مشاكل"، بدأت تشارك في أفلام ومسلسلات أكتر، ومن أبرز أفلامها:
بحبك وأنا كمان (2003)
علي سبايسي (2005)
كركر (2007) مع محمد سعد
مهمة صعبة (2006) مع طارق علام
أما على مستوى الدراما، فإيناس كان ليها ظهور في مسلسلات مهمة زي:
العصيان (2002 - 2003) مع محمود ياسين
يتربى في عزو (2007) مع يحيى الفخراني
الإخوة أعداء (2012) مع صلاح السعدني ونور الشريف
الحلانجي (2025) مع محمد رجب
الفترة اللي فاتت، الدنيا كلها قلبت بسبب خبر دخولها المستشفى بعد تعرضها لأزمة صحية خطيرة أدت لدخولها في غيبوبة. أختها سوار النجار طلعت قالت إن حالتها حرجة جدًا وإنها محتاجة دعاء الناس، وده خلّى كتير من الفنانين زي منة جلال يطالبوا بالدعاء لها.
حسب التقارير، إيناس كانت بتعاني من ألم شديد في المعدة، ولما راحت المستشفى، الأطباء شخّصوا حالتها على إنها التهاب شديد جدًا، لكن حالتها تدهورت بشكل مفاجئ لحد ما فقدت الوعي ودخلت في غيبوبة، وبقت في العناية المركزة بقالها أكتر من 4 أيام. فيه أخبار بتقول إن حالتها صعبة جدًا والأطباء قالوا إن العلاج مش جايب نتيجة، وإنها محتاجة معجزة علشان تخرج من الأزمة دي.
بعد انتشار الخبر، ناس كتير بدأت تدعي لها على السوشيال ميديا، وده ظهر من خلال تعليقات أصدقائها زي منة جلال اللي قالت على فيسبوك: "يا ريت كلنا ندعي لحبيبتي إيناس النجار، هي في أشد الحاجة للدعاء لأنها في غيبوبة بالعناية المركزة". كمان شقيقتها سوار فضلت تنشر صورها على إنستجرام وتطلب من الناس تدعيلها بإنها تقوم بالسلامة.
رغم أزمتها الصحية، إيناس كان ليها مشاركة في مسلسل "الحلانجي" اللي اتعرض في رمضان 2025، واللي بيتكلم عن نجار بيشتغل في النصب لحساب مجموعة مشبوهة، لكن الدنيا بتتقلب عليه وبيتورط في مشاكل بتدخله السجن. المسلسل كان من بطولة محمد رجب، آيتن عامر، عبير صبري، محمد لطفي، ومجموعة من النجوم.
في 31/3/2025 أعلنت الفنانة هايدي سليم وفاة الفنانة إيناس النجار، بعد صراع مع المرض.
كتبت "سليم"، عبر حسابها على "فيس بوك": "إنا لله وإنا إليه راجعون إيناس النجار في ذمة الله".
وكانت قد دخلت الفنانة إيناس النجار في غيبوبة تامة بسبب إصابتها بتسمم الدم نتيجةً لانفجار المرارة وتم وضعها على أجهزة التنفس لإنقاذها، ولكنها لم تستجب للعلاج وتدهورت حالتها الصحية حتى وافتها المنية اليوم